МОНГОЛ УЛСЫН ТӨСВИЙН ИЛ ТОД, НЭЭЛТТЭЙ БАЙДАЛ

"Иргэд төсвөө хянана" иргэний нийгмийн сүлжээ

Archive for the ‘30. АЙМГУУД’ Category

Булган аймгийн Гурванбулаг сумын 320 хүүхдийн сургуулийн барилга одоог хүртэл ашиглалтанд ороогүй байна

Posted by ИТХ on 2013/05/29

Хөрөнгө оруулалт: Улсын  төсвийн хөрөнгө

Төсөвт  өртөг : 1 тэр бум 300 сая  төгрөг

Захиалагч: Боловсрол, шинжлэх ухааны яам

Гүйцэтгэгч: “Авзага трэйд” ХХК. Захирал П.Мэндбаяр.

Эхэлсэн хугацаа:  2010 оны  хавар  ажлаа  эхлэсэн

Дуусах хугацаа:  2011 оны 9 дүгээр  сарын  1

Ажлын явц:  2013  оны  05-р сарын  22 –ны  байдлаар  тус  сургуулийн  ажлын  явц  50  гаруй  хувьтай    байна.

Гурванбулаг сумын 320 хүүхдийн,  спорт заалтай сургуулийн барилгын ажил  төлөвлөсөн хугацаанаас хэдэн жилээр сунжирчээ. Олон  тендерийн эзэн – “Авзага трэйд” компани хариуцлагагүйгээсээ  болж хугацаа  хожимдуулж, түүнтэй хэн ч  хариуцлага  тооцож  арга  хэмжээ  авахгүй  өнгөрдөг тул хэсэг хугацааны дараа барилгын материалын  үнэ  нэмэгдсэн  нэрээр төсвөөс мөнгө нэхэж, өгөхгүй бол гацаадаг зуршилтай болжээ.

Өнөөдөр тус компани гэнэт  сэрсэн  мэт  шөнө  өдөргүй  хөдөлмөрийн  хууль  зөрчин  ажиллаж байна. Гэхдээ бас  л  энэ  жилийн  хичээлийн  шинэ  жилд  багтааж  ашиглалтад  өгөх  нь  тодорхой  бус  байна.

Advertisements

Posted in Булган аймаг | Leave a Comment »

Ерөө гэж сумын Засаг дарга 434 сая төгрөг очиход …

Posted by ИТХ on 2013/01/28

Монгол Улсын Ерөнхийлөгч Ц.Элбэгдорж 2013 оны 1-р сарын 17-нд болсон аймаг, нийслэлийн Засаг дарга, ИТХ-ын дарга нарын семинарт үг хэлэхдээ дараах баримтыг хэлж тайлбарлажээ.
“Эхнээсээ бас жаахан ололт байгаа. Боломжууд гарч ирж байна. Гишүүд хуульд орон нутгийн хөгжлийн санг тусгаад өгсөн. 248 тэрбум төгрөг туслаа шүү дээ. 1998 онд намайг Ерөнхий сайд байхад улсын төсөв яг ийм байсан. Ийм хэмжээний мөнгө өнөөдөр орон нутгийн хөгжлийн санд очиж байна гээд бод доо. Гэтэл эхнээсээ буруу зарцуулах гээд байж байна.
Сэлэнгийн Ерөө гэж сумын Засаг дарга 434 сая төгрөг очиход захирамж гаргаад буруу шийдсэн байна. Энэ бол албан тушаалаа буруу ашигласан хэрэг болж хувирна шүү дээ, дарга нар аа. Иргэдээсээ асуугаад шийд гээд Ерөнхийлөгчийн зарлиг гарчихсан байна. Хууль гарчихсан байхад яагаад тэгж шийдэж байна вэ? Зуд турханд мөнгө зарцуулах гэж байгаа бол иргэдээсээ асуу л даа. Асуугаад шийдэх олон арга бий”

Posted in Сэлэнгэ аймаг | Leave a Comment »

Ноосны урамшууллыг хяналтгүй тараасан тухай

Posted by ИТХ on 2012/06/06

“Хонины ноос, тэмээний ноос бэлтгэж үндэсний үйлдвэрт тушаасан хоршооны гишүүн малчин, мал бүхий этгээдэд мөнгөн урамшуулал олгох тухай” Засгийн газрын 2011 оны 221 тоот тогтоолоор батлагдсан журмын дагуу Засгийн газрын Мал хамгаалах сангаас ноосны урамшуулал олгож байгаа билээ. Саяхан Ховд аймгийн аудитын газраас энэ мөнгөний олголт Дөргөн, Мөст, Дуут сумдад ямар байгаад шалгалт хийжээ.

Дөргөн сумын хувьд эсгий үйлдвэрлэл эрхэлдэг “Хишиг Ундрах” хоршооны дансанд 16.9 сая төгрөгийг шилжүүлж 92 хүнд урамшуулал олгожээ. Ноосны урамшуулал олгох ажилд сумын ЗДТГ-аас хяналт тавьж 2010 оны жилийн эцсээр тоолуулсан хонины тоог харгалзан олгохоор заасан юм. Гэтэл 22 хүнд тоолуулсан хонины тооноос илүү хэмжээний ноосонд урамшуулал олгож 1.5 сая төгрөг тушаасан ноосны баримтаа сумын ЗДТГ-т бүртгүүлж сумын нэгдсэн захиалгад оруулаагүй байна. Бас өөр сумын мал бүхий иргэнд ноосны урамшуулал олгосон 13 хүнд 4.9 зааврын дагуу олгоогүй байна. Үүний улмаас нийт 6.4 сая төгрөгийг хохирлыг улсад учруулжээ.

Posted in Ховд аймаг | 1 Comment »

Д.Зоригт: Өмнөговь аймаг орлогоо буруу зарж байна

Posted by ИТХ on 2012/06/03

УИХ-ын гишүүн, Эрдэс баялаг, эрчим хүчний сайд Д.Зоригт:

… Манай тогтолцоо маш их төвлөрсөн бүтэцтэй учраас уулу уурхайн салбараас орж буй орлого тухайн орон нутагт, иргэдэд мэдрэгддэггүй. Мэдрэгдлээ ч гэсэн буруу зарцуулах явдал байна.  Жишээ нь, Өмнөговь аймгийг би шууд хэлнэ, орлогоо буруу зарж байгаа. Тийм их орлоготой, боломжтой аймаг хамгийн эхний ээлжинд зам, дэд бүтэц, цахилгаан станцаа янзлах ёстой болохоос биш байшин сав аваад, том жийпнүүд авч унаад, аймгийн төрийн албан хаагчид нь юу юугүй орон сууцны зээл авна гэдэг буруу. Эхний ээлжинд харанхуй сумдынхаа асуудлыг шийдэх хэрэгтэй. Замаа шийдэж, бизнесээ хөгжүүлэх хэрэгтэй шүү дээ…  Зарим аймаг мөнгөө буруу зарж байна.

Posted in Өмнөговь аймаг | Leave a Comment »

Чулуунхороот сумыг 4,5 сая төгрөгөөр өндөр хүчдэлд холбоно

Posted by ИТХ on 2012/03/12

УИХ-ын гишүүн, Хамуг Монголын хөдөлмөрийн намын цэцийн дарга Ц.Шинэбаяр өнөөдөр хэвлэлийн хурал хийж сэтгүүлчдэд хандах үеэрээ өөрийг нь гадаадад эмчлүүлэхээр явсан хойно батлагдсан 2012 оны улсын төсвийн талаар нэгэн шүүмжлэлтэй байр суурийг илэрхийлсэн нь түүний сонгогдсон Дорнод аймгийн Чулуунхороот сумыг нийт 4,5 тэрбум төгрөгөөр өндөр хүчдэлд холбохоор тусгасан зарцуулалт байлаа. Энэ нь Мардай-Чулуунхороот сумын 35 кВ-ын 160 км цахилгаан дамжуулах агаарын шугам, дэд станцын хамт бөгөөд нийт төсөвт өртөг нь 4 тэрбум 520.8 сая төгрөг, үүнээс 1,05 тэрбум төгрөгийг 2012 онд гаргаж шугам татах ажлыг эхлүүлэх юм. Эрхэм гишүүн үүнийг эсэргүүцэж байгаа шалтгаанаа аж ахуйн нэгжийн захиалгаар хийсэн гэж үзэж буйгаа илэрхийлжээ.

Posted in Дорнод аймаг | Leave a Comment »

Орхон аймгийн бурхан багшийн сэрэг дүр 5 тэрбумын өртөгтэй

Posted by ИТХ on 2012/03/04

2011 оны долдугаар сарын 8, 9-нд тэмдэглэсэн Эрдэнэт хот буюу Орхон аймгийн 35 жилийн ойг угтсан сүр дуулиантай “бүтээн байгуулалт”-уудын хамгийн том нь Бурхан багшийн сэрэг дүрийн цогцолбор юм.

Таван жилийн өмнө эхэлж өдий хүртэл сунжирсан энэ байгууламжийн нийт төсөвт өртгийг 4-5 тэрбум төгрөгийн хооронд янз бүрийн тоо хэлдэг байв. Анх иргэд, компаниудын хандиваар босгохоор төлөвлөсөн ч мэдээж уулын баяжуулах “Эрдэнэт” үйлдвэр голложээ. Тус үйлдвэрийн зөвлөлийн хуралдаанаар 2.5 сая доллар буюу 2,8 тэрбум төгрөгийг баталж уг сөрөг дүрийг өнгөт металлаар (зэсээр) цутгаж наадмын өмнө байрлуулсан ч эргэн тойрны тохижилт, зам талбайн ажил дуусаагүй. Энэ ажилд аймгийн төсвөөс жил бүр 200 гаруй сая төгрөг хуваарилж ирсэн ба анх тооцоолсноос илүү том зардал шаардагдсан тул 2012 онд дахиад 250 сая төгрөгийг төсөвлөөд зарцуулж эхлээд байна.

Дэлхийд алдартай “Эрдэнэт” үйлдвэрээр нэрээ тахалдаг боловч баруун аймгуудаас айл өрхүүд олноороо нүүн ирж ажилгүйдэл маш өндөр болсон 90-ээд мянган хүнтэй тус аймагт таван тэрбум төгрөгийг бурхны хөшөөнд бус ажлын байр бий болгож, орон сууц барихад зарцуулах хэрэгтэй гэсэн шүүмжлэл иргэдийн дунд их байна.

Дээрх цогцолбороос гадна Эрдэнэт хот байгуулагдсаны 35 жилийн ойг хоёр өдрийн турш тэмдэглэхэд төсвөөс 500 сая төгрөг зарцуулсан байна. Үүний нэлээдээр нь аймгийнхаа 25 мянган өрхөд Солонгос улсад үйлдвэрлэсэн ханын цаг, эрдэнэт хотын зурагтай календарь, засаг даргын мэндчилгээтэй сонин өгчээ. Мөн Орхон аймгийн хүндэтгэлийн өргөөг 85 сая төгрөөр барьсан бол “Эрдэнэтийн овоо” дуунд зориулсан хөшөө, мөн ойд зориулж анхны илгээлтийн эздийн амьдралыг харуулсан “Дурсамж төгсгөл үгүй” уран сайхны кино (ерөнхий продюссер нь “Эрдэнэт” үйлдвэрийн хөгжлийн асуудал эрхэлсэн захирал Ц.Бат-Энх) хэдэн төгрөг зарцуулсан нь тодорхойгүй. Хэдийгээр “Эрдэнэт” үйлдвэр ивээн тэтгэсэн боловч тэр нь улсын үйлдвэр билээ.

Мөн хэдэн жил сунжирсэн 6000 хүний суудалтай цэнгэлдэх хүрээлэнг 4.3 тэрбум төгрөгөөр барьж наадмын өмнө ашиглалтанд оруулсан ч шинжээчид нягтлаад хоёр орчим тэрбум төгрөгөөс хэтрэхгүй хэмээн дүгнэснээс гадна бурхан багшийн сэрэг дүрийн хөшөөг босгосон “Тод-жаргал” ХХК аймгийн Засаг дарга байсан Д.Оюунбаттай ямар нэг сэжмээр холбоотой, тендер шалгаруулалтад оролцоогүй, татварт өртэй зэрэг зөрчил илэрч хуулийн байгууллагаар шалгагдаж байгаа юм.

Posted in Орхон аймаг | 2 Comments »

Ховд аймгийн ИТХ-ын IX хуралдаан

Posted by ИТХ on 2012/01/25

Өнгөрсөн оны 12 дугаар сарын 23-ны өдөр 83,8 хувийн ирцтэйгээр хуралдсан Ховд аймгийн ИТХ-ын 9 дүгээр хуралдаанаар тус аймгийн 2010 оны төсвийн гүйцэтгэл, 2011 оны төсвийн урьдчилсан гүйцэтгэл, 2012 оны төсвийн төсөл болон аймгийн Засаг даргын мөрийн хөтөлбөр, аймгийн Засаг даргын мөрийн хөтөлбөрийн биелэлт зэрэг асуудлыг  хэлэлцсэн юм. 

“Аймгийн Засаг даргын үйл ажиллагааны хөтөлбөрийн 2011 оны биелэлт, эдийн засаг, нийгмийг 2012 онд хөгжүүлэх үндсэн чиглэлийн тухай” илтгэлийг аймгийн Засаг дарга Г.Нямдаваа тавьсны дараа асуулт хариулт явагдсан байна.

Төлөөлөгч Б.Батмөнх:

-Дулааны хоёр дахь эх үүсвэр барих асуудал хоёр жилийн өмнөөс яригдсан. Энэ асуудлыг яаравчлахгүй бол Ховд аймаг маш хүнд байдалд байна, энэ жил хийгдэх үү?

-Ховд хотын гэрэлтүүлэг 11 сараас хойш асахгүй байна. Цаашдаа асах уу? Өвлийн улиралд, яг хэрэгцээтэй үед асахгүй байгаа нь ямар учиртай юм бэ? Хөрөнгө мөнгөний асуудал шийдэгдсэн үү?

-Бүтээн байгуулалтын ажлын хүрээнд Булган суманд Сорхагтан хатны цэцэрлэгт хүрээлэн гэж томоохон бүтээн байгуулалт хийгдсэн, энэ яагаад илтгэлд тусгагдахгүй байна. Намын үзэл бодлоор ялгаварлаад оруулахгүй байгаа юм уу?

-2012 онд Ховд хотын 250 жилийн ой гэж тэмдэглэх үү? Ямар үндэслэлээр тэмдэглэж байгаа вэ?

Аймгийн Засаг дарга Г.Нямдаваа:

-Дулааны хоёр дахь эх үүсвэрт их цаг хугацаа зарцуулагдаж байгаа. ТЭЗҮ хийгдэж байгаа, ирэх онд баригдаж дуусахгүй, хамгийн хурдан шуурхай барьж чадвал хоёр жилд багтахаар байгаа. Тиймээс хоёр жил иймэрхүү байдалтай байна гэсэн үг. Дулааны станц өнөөдрөөс эхлээд хоёр зуух ажиллаж эхэлсэн, Гуравдахь зуух бэлэн байдалд байгаа. дөрөвдэх зуух ирсэн, түүнийг байрлуулах объект байхгүй байгаа, өргөтгөл зайлшгүй баригдах юм байна лээ. Манай аймгийн хувьд сүүлийн жилүүдэд хэрэглээ хэт өссөн учир газар доорх байгууламжууд ер нь ачааллаа даахааргүй болж байгаа.

-Гэрэлтүүлгийн хувьд одоо 100-аад сая төгрөгийн өртэй байгаа, түүнийг дараагийн удаагийн эх үүсвэрээс шийдвэрлэхээс өөр ямар ч аргагүй байгаа.

-Булган сумын цэцэрлэгт хүрээлэнгийн хувьд бүтээн байгуулалтын жилийн хүрээнд маш олон бүтээн байгуулалтууд хийгдсэн, тэр бүгдийг илтгэлд дурдах ямар ч аргагүй байгаа. Ерөнхий байдлаар оруулсан, түүнээс биш ямар намын хүн байна гэдгээр нь би авч үзээгүй. П

-Ховд хот Буянт голын хөвөөнд суурьшсаны 250 жилийн ойг тэмдэглэхээс өөр ямар ч аргагүй байгаа. Өмнө нь энэ өдрөөр тооцоод тэмдэглээд уламжлал болоод ирсэн байгаа. 1762 онд яах аргагүй Буянт голын хөвөөн дээр суурьшсан он байгаа.

Төлөөлөгч Б.Батмөнх:

-2012 онд Ховд хотын 250 жилийн ой тэмдэглэх ямар ч үндэслэл байхгүй. Ховд хотыг манжийн ноёрхлоос чөлөөлсний ойг тэмдэглэж болно. Манжийн ноёрхолд орсон, чөлөөлөгдсөн 2 ойг зэрэг тэмдэглэдэг түүх байж болохгүй. Хуүчин цагийн асуудлаар хандаж болохгүй.

Аймгийн Засаг дарга Г.Нямдаваа:

-Бид нар эрдэмтдийнхээ үгийг сонсоно. Олон улсын эрдэмтдийн эрдэм шинжилгээний хурал зохион байгуулаад тэр үеэр энэ асуудлыг хэлэлцүүлнэ. Ирэх жил ямар ч байсан ой тэмдэглэхээр байгаа, гэхдээ 250 жил байна уу, 100 жил байна уу гэдгийг эрдэмтдийнхээ саналаар шийдвэрлэнэ.

Read the rest of this entry »

Posted in Ховд аймаг | Leave a Comment »

Дорнод аймгийн Иргэдийн Төлөөлөгчдийн Хурлын ээлжит 9 дүгээр хуралдаан

Posted by ИТХ on 2012/01/16

 2011 оны 12 дугаар сарын 21-23-ны өдрүүдэд болж аймгийн 2010 оны төсвийн гүйцэтгэл, 2011 оны төсвийн гүйцэтгэлийн урьдчилсан дүн. 2012 оны төсвийн төсөл болон бусад хэд хэдэн асуудлыг хэлэлцэж баталсан юм. Хэлэлцүүлгээс үзэхэд төсөв, газар зохион байгуулалтын асуудлыг нэлээн задалж тал бүрээс ярилцсан төдийгүй иргэнй нийгмийн байгууллагын төлөөлөл, иргэд хүртэл оролцож санал бодлоо хэлж сонирхолтой, энэ утгаараа судлууштай хурал болж өнгөрсөн байна. Хэлэлцүүлгийн явц ихээхэн нээлттэй, илэн далангуй, зарим талаар бусад аймаг, орон нутгийнханд сургамжтай, санаа авахуйц болж өнгөрчээ. 

Дорнод аймгийн ИТХ-ын энэ удаагийн хуралдаанд оролцвол зохих нийт 31 төлөөлөгчдөөс 17 төлөөлөгч ирж 54,8 хувийн ирцтэйгээр хуралдлаа. Аймгийн эдийн засаг, нийгмийг 2011 онд хөгжүүлэх үндсэн чиглэлийн биелэлт, 2012 оны үндсэн чиглэлийн тухай (илтгэгч нь аймгийн Засаг дарга Ц.Жанлав),  аймгийн 2010 оны төсвийн гүйцэтгэл, 2011 оны төсөвт оруулах өөрчлөлт, 2012 оны төсвийн төслийн тухай (илтгэгч нь аймгийн ЗДТГ-ын Санхүү, төрийн сангийн хэлтсийн дарга Н.Базаррагчаа), аймгийн 2012 оны орон нутгийн төсвийн төсөлд хийсэн дүгнэлт, санал (илтгэгч нь аймгийн Ерөнхий аудитор Л.Түвдэнням)-ыг хэлэлцэх үеэр гарсан гарсан асуулт хариулт, санал шүүмжлэлээс сийрүүлье.

Read the rest of this entry »

Posted in Дорнод аймаг | Leave a Comment »

Дархан-Уул аймгийн 2012 он төсөв.

Posted by ИТХ on 2012/01/15

Өнгөрсөн оны 12-р сарын 23-нд болсон Дархан-Уул аймгийн ИТХ-ын 12-р хуралдаанаар 2012 онд аймгийн эдийн засаг нийгмийг хөгжүүлэх зорилт, төсвийн жагсаалтыг баталсан тогтоолыг нийтэлж байна. Харин нийслэл болон бусад аймаг дүүргийн батлагдсан төсвийг одоо хүртэл олон нийтэд ил тод болгоогүй байна.

АЙМГИЙН ЭДИЙН ЗАСАГ НИЙГМИЙГ ХӨГЖҮҮЛЭХ ЗОРИЛТ, ТӨСӨВ БАТЛАХ ТУХАЙ

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 19 дүгээр зүйлийн 19.1 дэх заалт, Төсвийн байгууллагын удирдлага, санхүүжилтийн тухай хуулийн 50, 58 дугаар зүйлийг үндэслэн, “Аймгийн эдийн засаг, нийгмийг 2011 онд хөгжүүлэхээр дэвшүүлсэн зорилтын биелэлт, төсвийн гүйцэтгэл, 2012 онд аймгийн эдийн засаг, нийгмийг хөгжүүлэх зорилт, төсвийн төслийн тухай” аймгийн Засаг даргын илтгэлийг хэлэлцээд Иргэдийн Төлөөлөгчдийн Хурлын ээлжит 12 дугаар хуралдаанаас ТЭМДЭГЛЭХ НЬ:

Аймгийн хэмжээнд 2012 оныг “Аймгийн хөгжлийн 2 дахь 50 жилийн гарааны жил”- болгон зарлаж “Аймгийн Засаг даргын 2008-2012 оны үйл ажиллагааны хөтөлбөрийн хэрэгжилтийг бүрэн хангуулах”, ”Өрхийн хөгжлийг дэмжин ажлын байрыг нэмэгдүүлж, аймгийн үйлдвэржилт, бүтээн байгуулалтыг үргэлжлүүлэн, байгаль экологийн тэнцвэртэй байдлыг хангуулах” гэсэн зорилт дэвшүүлсэн нь Засаг даргын худалдан авах, нийлүүлэх бүтээгдэхүүний ангитай нягт уялдаж байгааг дэмжиж байна.

Хэлэлцсэн асуудалтай холбогдуулан аймгийн Иргэдийн Төлөөлөгчдийн Хурлын хуралдаанаас ТОГТООХ НЬ:

Нэг. Аймгийн 2012 оны төсвийн орлогын нийт дүн, орлогын нэр төрлийн хэмжээг дор дурьдсанаар баталсугай.

Аймгийн төсвийн орлого бүгд – 14779864.3 мянган төгрөг
Үүнээс:
1. Татварын орлого – 14079545.1 мянган төгрөг
Орлогын албан татвар – 7917000.0 мянган төгрөг
Газрын төлбөр – 420000.0 мянган төгрөг
Үл хөдлөх эд хөрөнгийн албан татвар – 510000.0 мянган төгрөг
Хөрөнгө борлуулсны орлого – 450000.0 мянган төгрөг
Бууны татвар – 1476.0 мянган төгрөг
Авто тээврийн болон өөрөө явагч хэрэгслийн албан татвар – 320000.0 мянган төгрөг
Бусад татвар, төлбөр хураамж – 4461069.1 мянган төгрөг

2. Татварын бус орлого – 700319.2 мянган төгрөг
Хүү торгуулийн орлого – 230000.0 мянган төгрөг
Төсөвт байгууллагын өөрийн орлого – 327319.2 мянган төгрөг
Хууль тогтоомжийн дагуу аймгийн төсөвт орох бусад орлого – 143000.0 мянган төгрөг

Хоёр. Аймгийн 2012 оны төсвийн нийт зарлагыг – 6869398.8 мянган төгрөгөөр тогтоож баталсугай.
1. Аймгийн ИТХ – 216451.0 мянган төгрөг
2. Аймгийн ЗДТГ – 794929.3 мянган төгрөг
3. Аймгийн Аудитын газар – 169564.1 мянган төгрөг
4. Хотын Захирагчийн алба – 75268.4 мянган төгрөг
5. Ахмад настанд үйлчлэх кабинет төв – 86897.0 мянган төгрөг
6. Авто замын засвар арчлалт – 320000.0 мянган төгрөг
7. Мал эмнэлэгийн үйлчилгээний зардал – 81914.0 мянган төгрөг
8. Нөөц сан, ангилагдаагүй бусад зардал – 435900.0 мянган төгрөг
9. Гудамжны гэрэлтүүлэг, цэвэрлэгээний зардал – 1190070.0 мянган төгрөг
10. Монголын ахмадын холбооны гүйцэтгэх хороо – 40949.2 мянган төгрөг
11. Тээвэр, автозамын газар /ШБТ/ – 59288.6 мянган төгрөг
12. Махны хомсдлын үнэ тогтворжуулах Нөөц бүрдүүлэх – 500000.0 мянган төгрөг
13. Орон нутгийн хөрөнгө оруулалт – 945299.7 мянган төгрөг
14. Орон нутгийн хүүхдийн байгууллага – 119232.6 мянган төгрөг
15. Дархан сум – 758219.2 мянган төгрөг
16. Орхон сум – 239616.6 мянган төгрөг
17. Шарын гол сум – 381174.0 мянган төгрөг
18. Хонгор сум – 454625.1 мянган төгрөг

Гурав. Аймгийн төсвөөс сумын төсөвт олгох санхүүгийн дэмжлэгийг дор дурьдсанаар баталсугай.
1. Орхон сум – 149226.6 мянган төгрөг

Дөрөв. Сумын төсвөөс аймгийн төсөвт төвлөрүүлэх орлогыг дор дурьдсанаар баталсугай.
1. Дархан сум  – 7766.8 мянган төгрөг
2. Шарын гол сум – 419101.0 мянган төгрөг
3. Хонгор сум – 312184.9 мянган төгрөг

Тав. Аймгийн төсвөөс улсын төсөвт төвлөрүүлэх орлогын хэмжээг 7910465.5 мянган төгрөгөөр тогтоосугай.

Зургаа. Аймгийн Засаг дарга /Г.Эрдэнэбат/-д Даалгах нь:

1. Аймгийн эдийн засаг, нийгмийг 2012 онд хөгжүүлэхээр дэвшүүлсэн зорилтыг бүрэн хэрэгжүүлэх ажлыг зохион байгуулах.
2. Аймгийн эдийн засаг, нийгмийг 2012 онд хөгжүүлэх зорилт, төсвийн төсөлд аймгийн Иргэдийн Төлөөлөгчдийн Хурлын Төлөөлөгчдөөс гарсан санал, шүүмжлэлийг тусган хэрэгжүүлж, батлагдсан төсвийн орлого, зарлагыг жигд ханган биелүүлж, зарцуулалтанд нь хяналт тавьж ажиллах.

Долоо. Энэ тогтоолын биелэлтэнд хяналт тавьж ажиллахыг аймгийн Иргэдийн Төлөөлөгчдийн Хурлын Тэргүүлэгчдэд үүрэг болгосугай.

ДАРГА Л.ГҮНЧИН

Posted in Дархан-Уул аймаг | Leave a Comment »

Өмнөговь аймгийн ИТХ-ын 9-р хуралдаан

Posted by ИТХ on 2012/01/14

Аймгийн ИТХ-ын ээлжит 9-р хуралдаан 2011 оны 12 дугаар сарын 22-ны 10 цагт аймгийн удирдлагын ордны “Сүлд” танхимд 25 төлөөлөгчөөс 24 төлөөлөгч ирснээр 84 хувийн ирцтэйгээр хуралдлаа.

Аймгийн ИТХ-ын 2011 оны ажлын тайланг хурлын дарга Л.Батчулуун тавьж хэлэлцүүлэв. Асуулт гарсангүй. Дараа нь аймгийн нийгэм, эдийн засгийг хөгжүүлэх Үндсэн чиглэлийн хэрэгжилтийн тухай илтгэлийг аймгийн Засаг дарга Б.Бадраа тавьж хэлэлцүүлэв. Асуулт, санал гарсангүй. Мөн аймгийн газар зохион байгуулалтын 2011 оны төлөвлөгөөний хэрэгжилтийн талаар газрын албаны ахлах мэргэжилтэн П. Золжаргал илтгэв. Асуулт, санал гараагүй. Тайлангуудыг сайшааж баталсан тогтоол гаргав.

Дараа нь 2011 онд төсвийн хүлээгдэж буй гүйцэтгэл, 2011 оны төсвийн тодотголыг аймгийн ЗДТГ-ын Санхүү, төрийн сангийн хэлтсийн дарга Б.Нарантуяа тавьж хэлэлцүүлэв. Үүний дагуу гарсан зарим асуулт, хариулт, санал шүүмжлэлийг танилцуулья.

Төлөөлөгч X.Сугир (Манлай сумын Засаг дарга):

-Түгээмэл тархацтай болон ердийн ашигт ашигласаны орлого нэмэгдсэнийг ИТХ-ын тэргүүлэгчдийн хурлаар хэлэлцээд зарцуулж байгаа. Тухайлбал, 76 сая төгрөгөөр халаалтын систем тавьсан. Гэтэл үүнийг хууль зөрчсөн гээд тодотгоогүйн учир юу вэ?

Read the rest of this entry »

Posted in Өмнөговь аймаг | Leave a Comment »

Говь-Алтай аймгийн ИТХ-ын X хуралдааны тэмдэглэл

Posted by ИТХ on 2012/01/14

“Иргэд төсвөө хянана” иргэний нийгмийн сүлжээний хүсэлтээр тус аймгийн “Алтай-Швейцарын сан” ТББ-ын тэргүүн Ч.Цэцэгмаа болон С.Ившинхорол нарын уг хуралдаанд сууж ажиглалт хийсэн тэмдэглэлийг товчлон нийтэлж байна.

Өглөөний 9.00 цагт аймгийн ИТХ-ын нарийн бичгийн дарга В.Рэнцэндорж хурлын танхимыг иргэний танхимын зориулалтаар шинээр тохижуулсан талаар товч мэдээлэл хийлээ Аймгийн хэмжээнд нийт сумдын Иргэний танхимын тохижилтонд зориулан орон нутгийн засаглапыг дэмжих хөтөлбөрийн хүрээнд НҮБ-ын хүн амын сангаас 72 сая төгрөгийн санхүүжилт хийсэн талаар мэдээлж танхимыг тохижуулахад тус аймгийн Дариймаа захиралтай “Уран охид” ХХК богино хугацаанд ихээхэн үр нөлөөтэй ажилласан болохыг танилцуулж , урьд нь “Иргэний танхим”-аас өмнө нь хоёр удаа хэлэлцүүлэг зохион байгуулсан ба энэ удаа танхимыг бүрэн тохижуулж аймгийн ИТХ-ын төлөөлөгчдийг оролцуулан нээлт хийж байгааг мэдэгдэв. Хүндэтгэлийн туузыг аймгийн ИТХ-ын дарга Ш.Эрдэнэбат, Засаг дарга Ш.Амгаланбаяр, Засаг даргын орлогч, аймгийн Ардчилсан намын дарга Х.Энхбаяр, Сайн засаглалыг дэмжих хөтөлбөрийн зохицуулагч Г.Даржаа, “Уран охид “ХХК-ны захирал Г Дариймаа нар хайчилж танхимыг нээлээ.

Хуралдааны үйл ажиллагааг орон нутгийн радио, “Миний нутаг” телевизээр шууд дамжуулсан болно. Мөн танхимд байрлуулсан дэлгэцээр тайлан илтгэл, холбогдох тоо баримт судалгааг шууд харуулж, хурлын явцыг ажлын албанаас камерт бичиж авлаа.

Оролцвол зохих 28 төлөөлөгчийн 27 нь хүрэлцэн ирснээр 96,4 хувийн ирцтэй эхэллээ. /Төлөөлөгч нь шилжсэн 3 тойрогт нөхөн сонгууль болоогүй/. Дараа нь хуралдааныг удирдах нарийн бичгийн даргаар Есөнбулаг сумаас сонгогдсон төлөөлөгч Х.Оросоог сонгож, хуралдааны хэлэлцэх асуудал, дэгийг урьдчилан тараасны дагуу баталлаа.

Аймгийн Иргэдийн төлөөлөгчдийн хурал,  Тэргүүлэгчдийн 2011 оны үйл ажиллагааны тайлангийн тухай илтгэлийг аймгийн ИТХ-ын дарга Ш.Эрдэнэбат тавив. Хуралдаанаар хэлэлцэх материалыг ИТХ-ын тэргүүлэгчдэд 7 хоногийн өмнө албан ёсоор өргөн барьж төлөөлөгчдийг мөн 7 хоногийн өмнө ирүүлж материалыг танилцуулж байнгын комиссууд, намын бүлгүүдийн хурлаар “маш нухацтай хэлэлцэж гарсан саналуудыг бүрэн тусгасан” тул илтгэлүүдийг багцалж Засаг даргын тавих илтгэлийг сонссоны дараа ИТХ ба Засаг даргад хандаж тавих асуулт, саналыг хамтруулан хэлэлцэхээр болов. Ингээд аймгийн Засаг даргын үйл ажиллагааны хөтөлбөр, эдийн засаг нийгмийг 2011 онд хөгжүүлэх үндсэн чиглэлийн биелэлтийн тухай, аймгийн эдийн засаг нийгмийг 2012 онд хөгжүүлэх үндсэн чиглэл батлах тухай илтгэлийг аймгийн Засаг дарга Ш.Амгаланбаяр тавьсан юм.

Read the rest of this entry »

Posted in Говь-Алтай аймаг | Leave a Comment »

Завхан аймгийн 2012 оны төсөв

Posted by ИТХ on 2012/01/11

Өнгөрсөн оны 12-р сарын 23-нд Завхан аймгийн Иргэдийн төлөөлөгчдийн хурлын ээжит 7-р хуралдаанаар хэлэлцэж баталсан аймгийн  2012 оны төсвийн материалыг үзэж танилцана уу – Завхан аймгийн 2012 оны төсөв.

Posted in Завхан аймаг | Leave a Comment »

Завхан аймгийн ИТХ-ын VII хуралдааны тэмдэглэл

Posted by ИТХ on 2012/01/04

[“Иргэд төсвөө хянана” иргэний нийгмийн сүлжээний хүсэлтээр Завхан аймгийн “Өрнөх хөгжил” ТББ-ын зохицуулагч М.Дуламжав, дэд тэргүүн Б.Цэрэндулам нар уг хуралдаанд сууж ажиглалт хийсэн тэмдэглэл]

Завхан аймгийн Иргэдийн Төлөөлөгчдийн Хурлын 7 дугаар хуралдаан 2011.12.23-ны 10 цагт Нутгийн удирдлагын ордны хурлын танхимд нээгдэж өмнөх хуралдаанаас хойш хорвоогийн мөнх бусыг үзсэн хоёр төлөөлөгчид нэг минут эмгэнэл илэрхийлж, нийт 31 төлөөлөгчөөс Улаанбаатар хотод хоёр төлөөлөгч ажлаар явж, 27 төлөөлөгч ирснээр ирц 87 хувьтай байгаа тул хуралдаан эхлэлээ.

Хуралдааныг аймгийн ИТХ-ын дарга Ч.Дэмчигсүрэн удирдаж аймгийн Засаг дарга Я.Санжмятав, албан газар, байгууллагын дарга, эрхлэгчид, ЗДТГ-ын хэлтсийн дарга, мэргэжилтнүүд, ИТХ-ын ажлын албаны ажилтнуудаас гадна 1990 онд Ардын Их Хурлын депутатаар сонгогдож шинэ Үндсэн хууль батлалцсан Их-Уул сумын иргэн Төмөр-Очир, Цэцэн-Уул сумын иргэн Ванган, Цэрэндорж, Тосонцэнгэл сумын иргэн Д.Цогтбаяр, Иргэний нийгмийн төлөөлөл – “Өрнөх хөгжил” сүлжээний удирдах зөвлөлийн гишүүн М.Дуламжав, Б.Цэрэндулам нар урилгаар суулаа.

Хурлаар дараах асуудлуудыг хэлэлцэхээр баталлаа.

1.Завхан аймгийн ИТХ, тэргүүлэгчдээс 2011 онд хийсэн ажлын тайлан
Илтгэгч: ИТХ-ын нарийн бичгийн дарга Т.Дэлгэрсайхан
2. Аймгийн Засаг даргын 2009-2012 оны үйл ажиллагааны хөтөлбөрийн биелэлтийн явц, аймгийн эдийн засаг нийгмийг 2011 онд хөгжүүлэх үндсэн чиглэлийн биелэлтийн тайлан Илтгэгч: Аймгийн Засаг дарга Я.Санжмятав
3. Аймгийн эдийн засаг, нийгмийг 2012 онд хөгжүүлэх үндсэн чиглэлийн төсөл
Илтгэгч: Аймгийн Засаг даргын орлогч Л.Лхамсүрэн
4. Нутгийн захиргааны байгуулагуудын 2011 оны төсвийн гүйцэтгэл
Илтгэгч: Аймгийн ЗДТГ-ын санхүү төрийн сангийн хэлтсийн дарга Болдбаатар
5. Аймгийн Аудитын газрын 2011 оны тайлан
Илтгэгч: С .Уламбаяр- Аймгийн аудитын гарын дарга
6. Газар зохион байгуулалтын тайлан
Илтгэгч: С.Ганболд- ЗДТГ-ын барилга, хот байгуулалт, газрын албаны дарга
7. “Эрчимтэй хөгжлийн Завхан” сангийн тайлан
Санхүү төрийн сангийн хэлтсийн дарга Болдбаатар
8. Аймгийн хүндэт иргэн цол олгох тухай
Аймгийн ЗДТГ-ын дарга П.Нямжав
 
Read the rest of this entry »

Posted in Завхан аймаг | Leave a Comment »

2011 онд Завхан аймагт 21 тэрбум төгрөгийн хөрөнгө оруулалт хийсэн байна

Posted by ИТХ on 2012/01/04

Завхан аймгийн Засаг даргын 2009-2012 оны үйл ажиллагааны хөтөлбөрийн биелэлтийн явц, аймгийн эдийн засаг, нийгмийг 2011 онд хөгжүүлэх үндсэн чиглэлийн биелэлтийн тайлан тавьсан Засаг дарга Я.Санжмятавын илтгэлээс төсөв, хөрөнгө оруулалт, ил тод байдлын холбогдолтой хэсгийг түүвэрлэн оруулж байна.

… Зон олныхоо хандив буяны өгөлгөөр “Очирваанийн хот мандал” цогцолборыг бүтээн байгууллаа.
… Баруун бүсийн Худалдааны төвийн томоохон байгууламжийг ашиглалтад орууллаа.
… Улсын нийслэлдээ “Завханы өдрүүд-2011” цогц арга хэмжээг зохион байгууллаа.
Өнгөрсөн 5 дугаар сараас 2011 оны төсөвт тодотгол хийх тухай яригдаж, бид ч төсвийн тодотголыг хэлэлцэхийг хүлээзнэсэн байдалтай байсаар 2011 оны эхний хуралдаан хойшлогдсоноор жилийн тайлангаа энэ хуралдаанд нэг мөр тавьж байгаа хэдий ч “Төрийн цогц үйлчилгээг багт” арга хэмжээний хүрээнд хөдөөгийн багийн иргэдэд, болон сумдад Засаг даргын тайланг тавихдаа аймгийн эдийн засаг, нийгмийг хөгжүүлэх 2011 оны үндсэн чиглэлийн явцийг хагас жилийн болон, 9 дүгээр сарын 01-ны байдлаар танилцуулсан болно…
… Аймгийн Засаг даргын үйл ажиллагааны хөтөлбөрт 12 бодлогын хүрээнд 192 зорилт, арга хэмжээ төлөвлөснөөс энэ 2011 оны жилийн эцсийн байдлаар бүрэн хэрэгжсэн 98, хэрэгжих шатандаа 89, биелэлт удаашралтай 5 асуудал байна… Удаашралтай байгаа 5 зорилтыг хэрэгжүүлэхээр хийж байгаа ажлын талаар та бүхэнд тодорхой тайлбар өгөх нь зүйтэй гэж үзлээ.

Read the rest of this entry »

Posted in Завхан аймаг | Leave a Comment »

“Авзага трэйд” ХХК: Булган аймгийн төвд баригдсан спорт цогцолбор

Posted by ИТХ on 2011/11/20

Улсын төсвийн хөрөнгө оруулалт.

Төсөвт өртөг: Анхны төсөвт өртөг 690 сая төгрөг. Нэмэгдсэн төсөвт өртөг 1 тэрбум 586.3  сая төгрөг.

Хугацаа: 2007 оны 6-р сарын 25-нд ажил гүйцэтгэх гэрээ байгуулж 2008 оны 4-р сарын 30-нд ашиглалтанд өгөхөөр товлосон байжээ.

Ажлын явц: 2011 оны 11-р сарын 14-нд ашиглалтанд хүлээлгэн өгч нээлтийн ёслолын арга хэмжээ болжээ. Гэхдээ дотроо маш хүйтэн, таазнаас нь ус гоождог гэсэн гомдол гарч байна.

Энэ тендерийг Булган аймаг ЗДТГ өөрөө шалгаруулж “Авзага трейд” ХХК-аар гүйцэтгүүлэхээр болсон юм. Гэвч хугацаан өнгөрсөн тул 2008 оны 10-р сарын 9-нд хугацааг сунгаж, анхны  төсөвт өртөгт багтаан 2008 оны 12-р сарын 25-нд дуусгахаар шинээр гэрээ хийсэн боловч бас л дуусгаж чадаагүй. ЭМЯ-ны Барилга захиалагчийн  газрын хяналтын инженер П.Ариунцэцэг ярихдаа, бид газар дээр нь очихдоо гүйцэтгэгчийг солих санал  тавьсан боловч аймгийн зүгээс заавал уг компаниар ажлаа гүйцэтгүүлнэ гэсэн тул хэвээр үлдээсэн гэжээ.

Ажил  гүйцэтгэх  санхүүжилт нь 2007  онд 300.0  сая  төгрөг, 2008  онд  390.0  сая  төгрөг  төсөвлөгдсөн ба тэр оны ажлыг хугацаандаа гүйцэтгэж чадаагүй тул 39.2  сая  төгрөг нь  буцаагдаж байжээ. 2009  онд  барилгын төсөвт өртгийг нэмэгдүүлэхээр шийдвэрлэсний дараа ЭМЯ-наас төсөв өртгийг нь шинээр тогтоох комисс  гарч  ажиллаад 896,3  сая төгрөгийг нэмэхээр  тооцоолсон ба үүнээс 448,2  сая  төгрөгийг Улсын  төсвийн тодотголоор Монгол улсыг хөгжүүлэх сангаас нэмж  өгөхөөр  батлагдаж, үлдсэн 448,1 сая төгрөгийг 2011 оны  улсын төсвөөс өгөх болсон түүхтэй. Ингээд анх 690.0  сая төгрөг байсан төсөвт өртөг  нэмэгдсээр  1.586.3 сая төгрөг болсон төдийгүй гурван жилээр хугацаа алдаж ашиглалтанд орсон байна.

 

Posted in ## Төсвийн хөрөнгө оруулалт, худалдан авалт, тендер, 30. АЙМГУУД, Булган аймаг | Leave a Comment »

Төсвөөс үнэтэй хандив

Posted by ИТХ on 2011/10/24

Ерөнхийлөгчийн зөвлөх Л.Дашдоржийн хэлснээр, хэдхэн жилийн өмнө Төв аймгийн Баянчандмань сум 110 сая төгрөгийн төсөвтэй, үүнээс  60 сая нь өөрийн орлого, үлдсэн 50 саяыг татаасаар авдаг байжээ. Харин сумын нутаг дэвсгэр дээр үйл ажиллагаа явуулдаг уул уурхайн голдуу компаниудаас 320 сая төгрөгийн хандив тусламж авдаг. Мэдээж тайлагнадаггүй…

Posted in Төв аймаг | Leave a Comment »

“Авзага трэйд” ХХК: Булган аймгийн Гурванбулаг сумын 320 хүүхдийн сургуулийн барилга

Posted by ИТХ on 2011/09/01

Хөрөнгө оруулалт: Улсын  төсөв 

Төсөвт  өртөг : 1 тэрбум 300 сая  төгрөг

Эхэлсэн хугацаа:  2010 оны  хавар

Дуусгах хугацаа:  2011 оны 3-р улирал

Ажлын явц:  Энэ хичээлийн өмнө дуусгах ёстой байсан боловч 2011 оны 9-р сарын байдлаар зөвхөн  суурийн  цутгалтын  ажил  хийгдэж  нийт ажлын  дөнгөж 35 хувийг хийж гүйцэтгээд байна.

Posted in ## Төсвийн хөрөнгө оруулалт, худалдан авалт, тендер, 07. Боловсрол, шинжлэх ухааны яам, 30. АЙМГУУД, Булган аймаг | Tagged: | Leave a Comment »

“Авзага трэйд” ХХК: Чойбалсан хотын 640 хүүхдийн сургуулийн барилга

Posted by ИТХ on 2011/08/30

Төсөвт  өртөг: 1 тэрбум 377 сая төгрөг. Анх 750 сая төгрөг хэмээн зарлаж байжээ.

Эхэлсэн хугацаа: 2009 оны 8-р сард гэрээ байгуулсан

Дуусах хугацаа: 2010 оны 8-р сарын 10.

Ажлын явц: 2011  оны 8 -р сарын байдлаар ажлын  явц  85% -тай, дахиад нэг хичээлийн жилийн нээлтийн өнгөрүүлэхээр байна.  2010 онд  823 сая  төгрөгийн  санхүүжилт  аваад  ажлаа дуусгаагүй учир 300 орчим сая төгрөг  нь  буцаагдсан бөгөөд энэ мөнгийг 2011  онд   төсвийн  тодотголоор  олгогдосон гэж БСШУЯ-ны барилга захиалагчийн товчооны дарга ярьжээ.

Posted in ## Төсвийн хөрөнгө оруулалт, худалдан авалт, тендер, 07. Боловсрол, шинжлэх ухааны яам, 30. АЙМГУУД, Дорнод аймаг | Tagged: | Leave a Comment »

650 км-ээс очиж барилга барьж байна

Posted by ИТХ on 2011/04/08

Өнгөрсөн сард Монгол Улсын Ерөнхийлөгч Ц.Элбэгдорж Дорнод аймагт ажиллахдаа Чойбалсан хот буюу Хэрлэн суманд улсын төсвийн хөрөнгөөр баригдаж байгаа хоёр барилгын ажлын явцтай танилцжээ.

1. БСШУЯ-ны захиалгаар баригдаж байгаа Дорнод аймгийн хөгжимт жүжгийн театрын барилга.

Тендерт орон нутгийн “Чандмань тал” компани шалгарчээ. “Одоо барилгын ажил 40 хувийн гүйцэтгэлтэй байна. Ирэх 7-р сард дуусгаж ашиглалтад өгнө” гэж тус компанийн захирал Ж.Энхболд ерөнхийлөгчид танилцуулсан байна. Орон нутгийн удирдлага ч тэдний ажилд сэтгэл хангалуун байгаагаа илэрхийлжээ.  

2.  Мөн БСШУЯ-ны захиалгаар баригдаж байгаа Хэрлэн сумын 640 хүүхдийн суудалтай дунд сургуулийн барилга.

2009 онд БСШУЯ-наас 640 хүүхдийн ерөнхий боловсролын сургуулийн барилга угсралтын ажлын гүйцэтгэгчээр “Авзага трейд” ХХК-ийг шалгаруулж 2010 оны 9 сараас өмнө ашиглалтад оруулах гэрээ хийсэн боловч он дуусахад барилгын ажил ердөө 20 гаруйхан хувьтай байжээ. Барилгын үндсэн материалаа зөвхөн 2011 оны хавар “Авзага трейд”-ынхэн татаж эхэлсэн гэнэ. “Бид хотоос барилгын материалаа татаж байгаа учраас хугацаа их шаардагдаж байна, бас зардал өндөр тусч байна” гэж барилгын инженер нь Ерөнхийлөгчид тайлбарласан ч энэ зөвхөн “Авзага трэйд”-ээс шалтгаалсан хэрэг юм.

Ажлын явцыг харахад 2011 онд багтан ашиглалтанд орох нь эргэлзээтэй. 

“Авзага трэйд” бол Улаанбаатарын компани. Хотын төвд босгосон орон сууцны олон барилгууд нь байнга хэл ам дагуулдаг, бас Булган, Эрдэнэтэд хэд хэдэн объект эхлээд дуусгажчаддаггүй сунжирсан сураг дуулддаг ийм компанийг БСШУЯ-наас хаа байсан 650 км-ын зайтай Дорнод аймагт очиж томоохон барилга бариулахаар тендерт шалгаруулсныг хачирхалтай гэхээс өөр яахав.

Posted in ## Төсвийн хөрөнгө оруулалт, худалдан авалт, тендер, 07. Боловсрол, шинжлэх ухааны яам, Дорнод аймаг | Tagged: | Leave a Comment »

Өмнөговь аймгийн Засаг даргын машин 160 сая төгрөгийн үнэтэй

Posted by ИТХ on 2011/01/13

2010 оны 12-р сард болсон Өмнөговь аймгийн ИТХ-ын хуралдаан дээр төлөөлөгч Ж.Отгонбаяр: Б.Зандраа даргын хэлснээр үйл ажиллагаагаараа жилд 60-70 сая төгрөг оруулдаг юм байна. Далд хэлбэрээр бас оруулдаг гэж байна, тэр ямар хэлбэрээр орлого ороод байна, төсвийн ерөнхий захирагч нар, тухайлбал аймгийн Засаг дарга сумдаас хэмнэсэн 160 сая төгрөгөөр автомашин аваад унасан гэж байна…

Posted in Өмнөговь аймаг | Leave a Comment »

Ховд аймгийн төсвийн сонин хачин

Posted by ИТХ on 2011/01/05

2011 оны 12-р сарын 27-нд болсон Ховд аймгийн ИТХ-ын ээлжит хуралдаанд  Аймгийн Ардчилсан намын дарга Б.Пүрэвдоржийн хэлсэн үгэнд гарсан эдийн засаг, төсвийн холбогдолтой зарим баримт, санаанууд:

– Монгол орны эдийн засаг  сүүлийн 2 жилийн дотор огцом өсч нэг хүнд ноогдох  дотоодын нийт бүтээгдэхүүн 1772 ам.доллар болж өссөн байхад Ховд аймгийн  нэг хүнд ноогдох дотоодын нийт бүтээгдэхүүн 1100 орчим ам.доллар байгаа нь улсын дунджаас 40 орчим хувиар бага байна. Төр засгаас аймагт оруулжбуй хөрөнгө оруулалт жилээс жилд нэмэгдэж байхад нэг хүнд ногдох дотоодын нийт бүтээгдэхүүн бахь байдгаараа өсөлтгүй байгаа нь үр ашиггүй зүйлд хөрөнгийг буруу зарцуулж байгаагийн бодит жишээ гэж үзэж байна. Хөрөнгө оруулалтыг ажлын байр шинээр бий болгосон, ард түмний амьдралыг сайжруулсан, дэд бүтцэд дорвитой хөрөнгө оруулсан зүйлд зарцуулахаасаа илүүтэйгүүр  албан тушаалтнуудын халаасыг дүүргэх, тэдний ямбад зориулсан зүйлд зарцуулж байна. Иргэд нь ядуу байхад ард түмний сайн сайхан амьдралын төлөө зарцуулагдах мөнгө аймгийн ИТХ-ын даргынямбандаа зориулж 80 сая төгрөгөөр автомашин худалдаж авахад зориулагдах ёсгүй.

– Ховд аймагт төрийн албаны сахилга хариуцлага, хүнд суртал, авилгал хээл хахууль, албан тушаалтнуудын дураараа авирлал хэрээс хэтэрчээ. 2010 оны 12 дугаар сар 24-ний өдөр болсон ИТХ-ын тэргүүлэгчдийн хурал дээр Засаг дарга Нямдаваа шал согтуугаар ирэх жилийн төсвийг хэлэлцүүлэх гэж оролдон улмаар уг хурлаас хөөгдөж гарсан нь сахилга хариуцлага ямар түвшинд очсоныг бэлхнээ харуулж байна.

– УИХ-ын гишүүнээсээ эхлээд ИТХ-ын гишүүд, аймгийн шат шатны дарга нар өөрсдийн халаасны компанийг тендерт шалгаруулан улсын ажлыг чанаргүй гүйцэтгэн  мөнгө унагаах, төдийлөн ашиггүй зүйлд ард түмний татварын хөрөнгийг зарцуулан амьдралаа дээшлүүлэх явдал байгааг иргэд шүүмжлэн ярьж байна. Улсаа, ард түмнээ боддоггүй, зөвхөн амин хувиа хичээсэн дээрх албан тушаалтнуудын нэгнийх нь  Мөст суманд барьсан сургуулийн спорт заалныбарилгын дээвэр ашиглалтад орохоос өмнө нурж унасан нь үүний нэг жишээ юм.

– 3 тэрбум төгрөгөөр аймгийн төвд Залуучуудын соёл амралтын хүрээлэн барих,Буянт суманд 8 тэрбум төгрөгөөр усжуулалтын систем барих нь одоогийн аймгийн иргэдийн дийлэнх нь ядуу байгаа үед хэр оновчтой шийдэл вэ? Энэ жил Жижиг дунд үйлдвэрлэх сангаас 855 сая төгрөгийн зээлийг 97 аж ахуйн нэгж, иргэнд олгосон жишгээр тооцвол дээрх хоёр ажлын санхүүжилтээр 1250 жижиг дунд үйлдвэрийг Ховд аймагт байгуулан 12500 хүнийг ажилтай болгох байсан байна. 

– Засаг дарга Нямдаваа гуай Ховд аймгийн нутаг дэвсгэрт ашигт малтмалын лиценз олгосон компаниудынхаа байгаль орчны нөлөөллийн үнэлгээг өөрийн “Эко Алтай” ХХК-иар өндөр үнэтэй хийлгэж олсон мөнгөөрөө хувийнхаа аж ахуйг өөд татаж, Эко хэвлэх үйлдвэр, телевиз, оёдлын үйлдвэрээ байгуулж амьдралаа дээшлүүлж байна.

Posted in Ховд аймаг | Leave a Comment »

Увс аймгийн Засаг дарга Э.Цасчихэрийн хөл дүүжилдэг унаа

Posted by ИТХ on 2010/12/23

Ямар ч байсан бусад аймгийн Засаг дарга нарынхаа дутахааргүй байна. Хэзээ, ямар үнэ өртгөөр авсан тухай тодорхой мэдээлэл алга. 

Харин машины дугаарыг таагаарай. Чадахааргүй бол дорхи зургийг үзнэ үү.

Read the rest of this entry »

Posted in Увс аймаг | Leave a Comment »

Орхон аймгийн Засаг дарга Д.Оюунбатын унаа бүр илүү

Posted by ИТХ on 2010/12/15

Орхон аймгийн Засаг дарга Д.Оюунбатын албаны машины марк нь Лексус LX 570. Мэдээж 00-01 дугаартай байж таарна. Монголд 120-170 мянган доллараар зарагддаг юм байна.

Posted in Орхон аймаг | 2 Comments »

Архангай аймгийн Засаг дарга Ё.Баатарбилэгийн шинэ унаа

Posted by ИТХ on 2010/12/15

“Архангайн амьдрал” сонинд мэдээлснээр, тус аймгийн Засаг дарга Ё.Баатарбилэг 2010 онд 97 сая төгрөгөөр унаагаа юүлэн ийм машинтай болж “0001 – АРА” дугаарыг зүүжээ. Одоо Архангайд “Хэн нь хэн бэ?” гэдгийг бүгд харж суугаа. Иргэдийн төлөөлөгчдийн хурлын тэргүүлэгчид нь хуралдаад шийдсэн юм байна.  

Зурган дээрээс харвал LandCruiser 200 хэмээх дээд зэргийн тансаг машин аж. Ийм өндөр үнээр авсныг бодоход цоо шинэ, танилцуулгаас харахад  тэр чигээрээ тав тух бөгөөд 100 км-т 18-20 литр “иднэ”. Харин өмнө нь унаж байсан Nissan Patrol машиныг  анх 60 саяын үнэтэй байсан ба сая Засаг даргын жолооч нь дуудлага худалдаагаар авчээ.

Ё.Баатарбилэгийн тухайд гэвэл аймгуудын Засаг дарга нараас хамгийн залуу, 35 настай, МАХН-ын Ёс зүйн хорооны гишүүн гэж намтартаа бичсэн байна.

Posted in Архангай аймаг | Leave a Comment »

Ховдын тендер иймэрхүү болдог.

Posted by ИТХ on 2010/11/28

Ховд аймагт сүүлийн жилүүдэд улсын болон орон нутгийн төсөв, Монгол Улсыг хөгжүүлэх сангийн хөрөнгөөр хийгдсэн хөрөнгө оруулалтын сонгон шалгаруулалт ихээхэн будлиантай явагддаг тухай баримтууд АТГ-ын шалгалтаар илрээд байна.

-“ББМЗЗТ” ХХК нь 27 сая гаруй төгрөгийн татварын өртэй байхдаа аймгийн татварын хэлтсийн даргаар “өр төлбөргүй” гэсэн бичиг гаргуулж Эрдэнэбүрэн сумын 12 жилийн сургуулийн барилгын 150 сая төгрөгийн их засварын тендерт шударга бусаар ялжээ. Бас тус компанийн тусгай зөвшөөрлүүдийн хугацаа дууссан байсныг ч нуун дарагдуулжээ.

-Н.Бадрах захиралтай “Алтан буйлааст” ХХК 2009 онд нэг, 2010 онд дөрвөн тендерт давуу эрх эдлэн ялж тендерийн ажлаа дуусгаагүй байж мэргэжлийн хяналтын газраас зөвшөөрөл авч дараагийн ажлаа эхлүүлдэг болжээ. Жишээлбэл, 2009 онд Ховдын Зэрэг сумын 12 жилийн сургуулийн дотуур байр барих тендерт шалгарч 150 сая төгрөг авсан атлаа одоо болтол дуусаагүй төдийгүй мөнгө хүрээгүй шалтгаанаар нэмэлт санхүүжилт авсан байсан. Мөн 2009 онд татварын албанд 2.1 сая, нийгмийн даатгалд 4 сая төгрөгийн өртэй байхдаа “Өр төлбөргүй “ гэсэн бичиг гаргуулж улсын төсвийн хөрөнгөөр баригдах Ховд аймгийн Зэрэг сумын Соёлын төвийн барилгын тендерт ялжээ. Нийтдээ тус компани 2010 онд Зэрэг суманд хийгдэх барилга засвар, шинээр барих зэрэг нийтдээ 500-гаад сая төгрөгийн ажлын гүйцэтгэгчээр ганцаараа шалгарсан юм. Үүний хажуугаар Бургасан багийн төвийн барилгын ажилд 30.6 сая төгрөгийн санхүүжилт авсөн мөртлөө эхлэхгүйгээр тэр мөнгөөрөө Жаргалант суманд 12 айлын орон сууц барьжээ.  Түүнчлэн Мянгат сумын 12 жилийн сургуулийн барилгын их засварын тендерүүдэд шалгарч амжсан гэнэ.

-Т.Дырбубай захиралтай “Толхын ойл” компани 2009 онд 3.7 сая төгрөгийн өртэй байхдаа аймгийн төвд 200 сая төгрөгийн өртөгтэй Амарсанаагийн нэрэмжит эко цэцэрлэгт хүрээлэн байгуулах тендерт шалгарч төсвөөс 150.4 саяыг нь авч энэ оны 6-р сард дуусгах хуваарьтай байсан ч дуусгалгүй өдий хүрчээ. Ажлын явц 70 хувьтай гэдэг ч шалгалтаар нотлогдоогүй. Түүгээр ч зогсохгүй Мэргэжлийн хяналт, Газрын харилцаа, барилга хот байгуулалтын газраас зөвшөөрөл авалгүйгээр аймгийн төвийн Жаргалант суманд 12 айлын орон сууцны барилгын ажил эхлэхэд нь мэргэжлийн хяналтын хэлтсийн дарга Д.Батцэнгэл ямар ч арга хэмжээ аваагүй байна.

-Ц.Түмэндэмбэрэл захиралтай  “Ховд аргим” гэх компани 2009 онд 3.7 сая төгрөгийн өртэй байхдаа  аймгийн татварын газраас  “Өр төлбөргүй”, бас  аймгийн нийгмийн даатгалд өр төлбөргүй, шимтгэлээ цаг хугацаанд нь төлдөг гэсэн  бичиг авч Булган сумын 12 жилийн сургуулийн барилгын их засварын тендерт ялжээ. Тус компани өмнө нь гүйцэтгэсэн барилгын ажлаа чанаргүй гүйцэтгэсэн талаар Мэргэжлийн хяналтын байцаагч дүгнэлт гаргаж Үнэлгээний хороонд өгсөөр атал үл ойшоож дахин хууль бусаар шалгаруулсан байна. 

Эдгээр компаниуд хууль зөрчсөн нь тодорхой. Тэгвэл төрийн өмнө хүлээсэн үүргээ хөсөрдүүлж тэдэнд хууль зөрчих, залилан мэхлэх боломж олгосон, илт хуйвалдсан хүмүүс хэн хэн бэ?

Юуны өмнө хуурамч бичиг, тодорхойлолт гаргаж өгдөг Ховд аймгийн Татварын хэлтсийн дарга С.Жаргалдалай, Нийгмийн даатгалын хэлтсийн дарга Д.Мягмарцоож, Мэргэжлийн хяналтын газрын дарга Д.Батцэнгэл нар юм.

Бүр том буруутнууд нь аймгийн Засаг дарга Н.Нямдаваагийн захирамжаар байгуулагдсан Тендерийн үнэлгээний хороог ээлжлэн даргалсан болон гишүүд байсан Засаг даргын орлогч Ж.Цэнд-Аюуш, ЗДТГ-ын Нийгмийн хөгжлийн хэлтсийн дарга Д.Нарандорж, Санхүү, төрийн сангийн хэлтсийн дарга Д.Алтангэрэл, Хөгжлийн бодлогын хэлтсийн дарга Ч.Сүрэнжав, тендерийн захиалагчаар ажилласан Газрын харилцаа, барилга хот байгуулалтын газрын дарга З.Өмертэй, Д.Баатарсүрэн, У.Батзаяа  нар ажээ. Тухайлбал, Д.Алтангэрэл нь тендерийн мөнгө олгох гүйцэтгэгч банкийг байнга шалгаруулдаг байжээ.

2009 онд ес, 2010 онд 10 үнэлгээний хороо байгуулж тендер шалгаруулалт явуулахад Үнэлгээний хорооны нарийн бичгийн даргаар аймгийн ЗДТГ-ын Санхүү, төрийн сангийн хэлтсийн төсвийн орлого, хөрөнгө оруулалтын мэргэжилтэн О.Буяндэлгэр тасралтгүй ажиллажээ.

Ховд аймагт барилга, бүтээн байгуулалтын чиглэлээр үйл ажиллагаа явуулдаг 30 орчим компани байдаг ч голдуу 10 гаруй компани, тэр дундаа дээр дурдсан “Толхын ойл” . “Алтайн буйлааст”, “ББМЗЗТ”, “Ховд Аргим” компаниуд үргэлж шалгардаг нь тийм учиртай байжээ.
 
АТГ-аас Ховд аймгийн засаг дарга Г.Нямдаваад хандаж арга хэмжээ авахыг хүсэхэд О.Буяндэлгэрт  ажлаас халах сахилгын шийтгэл оноож, өөрийн орлогч Ж.Цэнд-Аюуш болон хэлтсийн дарга нарт сануулж, харин Газрын харилцаа, барилга, хот байгуулалтын газрын дарга У.Батзаяа, Нийгмийн даатгалын хэлтсийн дарга Д.Мягмарцоожийн нэг сарын үндсэн цалинг 20 хувь бууруулах арга хэмжээ авчээ. Татварын хэлтсийн даргыг яаж шийтгэсэн талаар мэдээлэл алга байна.

Posted in Ховд аймаг | 1 Comment »

Аймгийн намын хороо төсөвт өртэй байна.

Posted by ИТХ on 2010/11/13

Авлигатай тэмцэх газрын мэдээллээс үзэхэд, тус аймгийн МАХН-ын хороо орон нутгийн төсөвт 25 сая төгрөгийн өртэй юм байна. Үүнийг шийдвэрлэх талаар АТГ-аас хүргүүлсэн мэдэгдлийн хариуг аймгийн ИТХ-ын дарга Д.Мөнхбат удаасан төдийгүй уг мэдэгдлийг аймгийн ИТХ-ын Тэргүүлэгчдийн хуралдаанд танилцуулсан гэж худал мэдээлжээ. Тэрбээр аймгийн МАХН-ын хорооны дарга Т.Цэдэндамбаад “Төсвөөс олгогдсон мөнгийг МАХН-ын хорооноос гаргуулж, есдүгээр сарын 15-ны дотор аймгийн төсөвт шилжүүлж хохиролгүй болгох” үүргийг өгсөн гэх боловч 11-р сар гэхэд төсөвт орох ёстой 25 сая төгрөг ороогүй байжээ. 

Энэ асуудалтай холбогдуулан аймгийн МАХН-ын хорооны дэд дарга С.Эрдэнэбазар “Аймгийн МАХН-ын хорооны хуучин барилгыг зарах зөвшөөрлийг авахаар МАХН-ын Удирдах зөвлөлд хандсан байгаа. Зөвшөөрөл өгмөгц худалдаж 25 сая төгрөгийг аймгийн төсөвт шилжүүлнэ. Хуучин байрыг түрээслүүлсэн байгаа, худалдан авах хүн нь тодорхой болсон, зарим засвар үйлчилгээг хийгээд явж байгаа” гэсэн тайлбар хэлжээ.

Харин чухам ямар учиртай өр болох, яагаад үүссэн тухай талаар АТГ-ын мэдээлэлд алга байна.

Posted in Архангай аймаг | Leave a Comment »

Жижигхэн сумын томхон заал

Posted by ИТХ on 2010/09/13

Дундговь аймгийн Баянжаргалан сум 2006 онд 1213 хүн амтай байжээ. Түүнээс хойш хүн амын тоо өсөөгүй, харин бага зэрэг буурчээ. Нийт 3 багтай, харин сумын төвд өндөр настан, хүүхэд нийлээд 400-аад хүн оршин суудаг жижигхэн сум.

Гэтэл Дундговь аймгаас сонгогдсон УИХ-ын гишүүн Р.Раш 2009 онд тус сумын төвд 500 хүний суудалтай спорт цогцолбор барьж ашиглалтанд оруулжээ. Үүнд өөрийн нэрээр батлагдсан улсын төсвийн 400 гаруй сая төгрөгийг зарцуулсан гэсэн мэдээлэл байна.

Өнөөдөр тус спорт цогцолборт залуучууд хааяа нэг орж тоглодог, бусад цагт цоожтой голдуу байдаг гэнэ.

Posted in Дундговь аймаг | Leave a Comment »

Дундговь аймгийн төсвийн хөрөнгө оруулалт ба сангуудын тухай зарим мэдээлэл

Posted by ИТХ on 2010/08/04

Дундговь аймаг 15 сум, 65 баг, 49 мянган хүн амтай. 2010 оны орон нутгийн төсвийн орлогын төлөвлөгөө – 2.335.731,2 төгрөг, зарлага – 2,285,774,60 төгрөг байна. Энэ удаад урьд төдийлөн нээлттэй байгаагүй аймгийн Засаг даргын нөөц сан, Аймаг хөгжүүлэх сан, Жижиг, дунд үйлдвэрийг хөгжүүлэх сан, Авто замын сангууд, төсвийн хөрөнгө оруулалт, мөн тус аймгаас сонгогдсон УИХ-ын хоёр гишүүний “багц”-ын талаар зарим мэдээллийг бэлтгэн танилцуулж байна. 

  • Засаг даргын нөөц сан – 136 сая 777 мянга
  • ЖДҮ-ийг хөгжүүлэх сан – 60 сая
  • Авто замын сан – 100 сая 
  • Аймаг хөгжүүлэх сан – 00,00 (Зарцуулах тусгай журам байхгүйгээр тухайн үед орж ирсэн хандив, тусламжийг төвлөрүүлээд зарцуулдаг. Мөн “Хүүхдийн төлөө бүтээн байгуулалтын жил 2010”-ийн ажлын хүрээнд орж ирсэн хандив тусламжийг Аймаг хөгжүүлэх санд төвлөрүүлэн зарцуулахаар төлөвлөжээ.  

Read the rest of this entry »

Posted in Дундговь аймаг | 1 Comment »

Лицензтэй компаниудтай “тулж ажиллана”

Posted by ИТХ on 2010/02/26

Дундговь аймгийн Эрдэнэдалай сумын ИТХ-ын хуралдаанаар аймгийн 2010 оны төсвийн төслийг хэлэлцэж баталсан тухай товч танилцуулга

2009 оны 12-р сарын 30-ны өдрийн 10,00-20.20 цагт сумын дунд сургуулын номын сангийн байранд болов.

Сумын Иргэдийн төлөөлөгчдийн хурал 21 төлөөлөгчтэйгээс МАХН-аас 18, АН-аас 3 байна. Эмэгтэй төлөөлөгч 5 байлаа. Энэ удаагийн хуралдааныг 80,9%-ийн ирцтэйгээр хийлээ.

Хэлэлцсэн асуудал:

1. Сумын ИТХ-ын тэргүүлэгчдийн 2009 оны үйл ажиллагааны тайлан, 2010 оны зорилтын тухай – Тэргүүлэгчдийн нарийн бичгийн дарга Б.Баатар,

2. Сумын засаг даргын үйл ажиллагааны хөтөлбөрийн хэрэгжилтийн явц, 2009 оны үндсэн чиглэлийн хэрэгжилт, 2010 онд Эрдэнэдалай сумын нийгэм эдийн засгийг хөгжүүлэх үндсэн чиглэлийн тухай – Сумын засаг дарга Х.Сумъяадорж [Илтгэлийг бүрэн эхээр авахаар тохирсон]

3. Сумын 2010 оны төсвийн төслийн тухай – Төрийн сангийн менежер Х.Дунгаамаа [Илтгэлийг бүрэн эхээр авахаар тохирсон]

Зарим, ажиглалт, дүгнэлтүүд:

1. Хуралдаанаар хэлэлцэх асуудлын материалыг урьд өдрийн 10,00 цагаас тараажээ.

2. 2009 онд тус сумын нутагт малын боом өвчин гарчээ. Түүнтэй тэмцэж хор хохирлыг арилгахад 11 сая төгрөг зарцуулсан байна. Үүнээс аймгийн засаг дарга нөөц сангаасаа 4 сая төгрөгийн өгч, үлдсэнийг Б зэрэглэлийн өвчин тул тус сумыг өөрсдөө аргал гэж аймгийн ИТХ-ын хуралдаан дээр яригдсан юм байна. Ингээд хүмүүсийг дайчлан ажиллуулсан ажлын хөлс, эмч нарыг илүү цагаар ажиллуулсан хөлс, шатахуун, хоол зэрэгт олгох 5,8 сая төгрөгийн өр үүсээд байгааг хэрхэн барагдуулах, үүний тулд орлогоо нэмэгдүүлэх ямар нөөц боломж байгаа талаар нэлээд ярилцсан ч тодорхой шийдэл олсонгүй. Хэд хэдэн төлөөлөгч УИХ-ын гишүүддээ хандах санал гаргаж байв.

3. Сумын төсвийн төлөвлөгөө, түүний дотор орлогын төлөвлөгөөг батлав. Ашигт малтмалын хайгуулын болон ашиглалтын лицензтэй компаниудтай “сайн тулж ажиллах” үүргийг татварын болон байгаль орчны улсын байцаагчид үүрэг болгов. Мөн хоршоо хэлбэрээр байгаа аж ахуйн нэгжүүдийг ХХК болгох, аялал жуулчлалыг хөгжүүлэхэд анхаарч орлогыг нэмэгдүүлэх санал нэлээд гарсан ч юуг түшиглэж жуулчдыг татах нь тодорхойгүй үлдлээ. Харин сумын нутгаар дайран өнгөрч байгаа машинуудаас хураамж авах асуудлыг судлах, бас сумын харьяалалтай мөртлөө УБ дугаартай иргэдийн машиныг ДУ дугаартай болговол татвар хураамж нь суманд орох тул үүнд анхаарч ажиллана гэсэн шийдэлд хүрсэн.

4. Төлөөлөгчид ерөнхийдөө идэвх муутай харагдлаа. Ажил хэрэгч тодорхой санал,  санаачлага төдийлөн олон гарсангүй.

5. 2009 оны төсвийн гүйцэтгэлийг хэлэлцсэнгүй. Урьдчилсан байдлаар ч танилцуулсангүй. Аймгийн хэмжээгээр хэлэлцээгүй гэж ойлгогдсон, дараа 3-4-р сард хэлэлцэхээр улс даяар тохирсон гэж ИТХ-ийн тэргүүлэгчдийн нарийн бичгийн дарга Б.Баатар хэлж байв.

Хэлэлцсэн асуудлаар дараах шийдвэр гаргав. Үүнд,

6. Сумын ИТХ-ын тэргүүлэгчдийн 2009 оны үйл ажиллагааны тайланг хангалттай гэж дүгнээд анхаарах асуудлуудыг протоколд тусгаж 2010 оны зорилтыг батлав.

7. Сумын засаг даргын үйл ажиллагааны хөтөлбөрийн хэрэгжилтийг хангалттай гэж дүгнээд 2010 онд анхаарах асуудлыг протоколоор сануулж зорилтыг батлав

8. Сумын 2010 оны төсвийн төслийг батлав.

[Хуралдааны санал шүүмжлэлийн хэсгийг 3 хальсанд бичиж авлаа]

Ажиглалт хийсэн Н.Баярсайхан (Хил Хязгааргүй алхам ТББ)

Posted in Дундговь аймаг | Leave a Comment »

УИХ-ын гишүүд биднээс санал аваагүй …

Posted by ИТХ on 2010/01/31

Дундговь аймгийн ИТХ-ын хуралдаанаар аймгийн 2010 оны төсвийн төслийг хэлэлцэж баталсан тухай товч танилцуулга

Аймгийн ИТХ-ын ээлжит хуралдаан 2009 оны 12-р сарын 28-ны өглөөний 9 цагт эхэлж үдшийн 23.20 цаг хүртэл хуралдав.

Тус ИТХ нь 27 төлөөлөгчтэй бөгөөд МАХН-аас дийлэнх олонх нь байлаа. Харин 14 нь төр, захиргааны удирдах ажилтан юм. Эмэгтэй төлөөлөгч 2 байв. Энэ удаад 91.7%-ийн ирцтэй хуралдсан болно.

Read the rest of this entry »

Posted in Дундговь аймаг | Leave a Comment »