МОНГОЛ УЛСЫН ТӨСВИЙН ИЛ ТОД, НЭЭЛТТЭЙ БАЙДАЛ

"Иргэд төсвөө хянана" иргэний нийгмийн сүлжээ

Archive for the ‘++ Монгол улсыг хөгжүүлэх сан (2007-2009)’ Category

38 тэрбум төгрөгөөр 400 ширхэг автобус худалдан авсны дараа …

Posted by ИТХ on 2010/08/20

Нийслэлийн нийтийн тээврийн үйлчилгээний байдал урьд нь ямар байв?

Зах зээлд шилжсэнээс хойш 1992-2002 оны хооронд Япон улсын буцалтгүй тусламж, Дэлхийн банкны хөнгөлөлттэй зээлээр Чех, ОХУ-аас нийт 160 гаруй их багтаамжийн автобус, автобусны сэлбэг, аккумлятор, дугуй зэргийг худалдан авч түүний засварын газрыг байгуулж нийслэлийн нийтийн тээврийн үйлчилгээг гүйцэтгэж байв. Гэвч 2008 он гэхэд дийлэнх автобусны эдэлгээний хугацаа дуусч, сэлбэгийн хомсдолд ороод байв.

Тодорхой нэг жишээ гэвэл, 1995-1996 онд Япон улсын тусламжаар нийлvvлсэн “Ниссан” маркийн 100 ширхэг автобусыг “Автобус-1” компани нь хvлээн авч арав гаруй жил ашиглан эдэлгээний хугацааг 2 дахин, гvйлтийн нормыг 3 дахин давуулжээ. Эдгээрээс 15 автобусыг саяас дээш, 20 гаруй нь сая километр явсан байлаа. (Зөвхөн 2008 оны 12-р сард буюу 400 шинэ автобус авах шийдвэр гарсны дараа нийслэлийн мэргэжлийн хяналтын газраас бүгдийг зогсоож ашиглалтаас хасах шийдвэр гаргасан юм). Энэ автобусыг манайхан өндөр үнэлдэг байжээ.

Read the rest of this entry »

Advertisements

Posted in ++ Монгол улсыг хөгжүүлэх сан (2007-2009) | Leave a Comment »

Агропарк төсөл 2008 онд хангалтгүй хэрэгжжээ

Posted by ИТХ on 2009/06/19

2008 онд МУХС-аас Агропарк төслийг хэрэгжүүлэхэд 3.8 тэрбум төгрөг зарцуулахаар батлагдсан. Уг төслөөр 334 сум бүрт 11.5 сая төгрөг (үүнд 5.0 сая төгрөгөөр зоорь, 2.5 сая төгрөгөөр хүлэмж барих, 4.0 сая төгрөгөөр бага оврын трактор авах)-ийн хөрөнгө оруулалт хийхээр төлөвлөсөн ба ингэхдээ газар зүй, эдийн засгийн онцлог, хүн амын нягтралтай уялдуулаагүйгээс төсөл хангалтгүй хэрэгжсэн байна. Тухайлбал, нийт 334 суманд зоорь барихаас 27 суманд барилгын ажил огт эхлээгүй, 110 суманд дутуу баригдсан байна. 433.0 сая төгрөгийн 165 хүлэмж бүрэн баригдаагүй, Ховд аймгийн Мянгад, Жаргалант сум бага оврын трактор аваагүй, Орхон аймгийн Жаргалант суманд уг тракторыг тамгын газарт хог ачих зориулалтаар ашиглаж байна.

Увс, Баянхонгор, Дорноговь, Булган, Хэнтий аймагт нийт 49 бага оврын тракторыг сумдын ЗДТГ-ын данс бүртгэлд аваагүй, Өмнөговь аймгийн Булган суманд тракторыг хувь хүн эзэмшиж, Архангай аймагт 105 сая төгрөгийн санхүүжилтийг аж ахуйн нэгж, иргэнд олгосон байна. Төсвийн хөрөнгө оруулалтаас 21 аймаг бүрт 7 булаг шандын эхийг хамгаалахад (нэг булгийг 1.5 сая төгрөгөөр) нийт 217 сая төгрөг төлөвлөжээ. Говь, хангайн бүс, газар нутгийн хэмжээнээс үл шалтгаалан жигд хуваарилсан нь оновчгүй байна. Иймд дүгнэлтээ эргэн харах саналыг хүлээн авах боломжгүй гэж үзэв

(Улс, орон нутгийн төсөв, МУХС, гадаадын зээл, тусламжийн хөрөнгөөр 2008 онд хийгдсэн хөрөнгө оруулалтын хэрэгжилт, үр дүнд хийсэн аудитийн нэгдсэн тайлангаас)

Posted in ++ Монгол улсыг хөгжүүлэх сан (2007-2009) | Leave a Comment »